စက်မှုသင်တန်းကျောင်း(မန္တလေး)၊ စက်မှုပညာသင်တန်းအမှတ်စဉ်(၆)သင်တန်းဖွင့်ပွဲအခမ်းအနားကို ၂၀၁၃ခုနှစ်၊ စက်တင်ဘာလ (၉)ရက်နေ့ နံနက်(၉း၀၀)နာရီတွင် သင်တန်းကျောင်း စုဝေးခန်းမ၌ ကျင်းပခဲ့ရာ စက်မှုဝန်ကြီးဌာန ဒုတိယဝန်ကြီး ဦးမျိုးအောင် တက်ရောက်ချီးမြှင့်ခဲ့ပါသည်။ သင်တန်း ဖွင့်ပွဲအခမ်းအနားသို့ စက်မှုဝန်ကြီးဌာန၊လူစွမ်းအားအရင်းအမြစ်ဌာနမှ ညွန်ကြားရေးမှူး ဦးကိုကိုလွင်၊ ဖိတ်ကြားထားသောဧည့်သည်များ၊ သင်တန်းကျောင်းမှ ကျောင်းအုပ်ကြီးနှင့် ဝန်ထမ်းများ၊ သင်တန်း သား/သူ စုစုပေါင်း(၂၅၀)ဦးတက်ရောက်ခဲ့ကြသည်။သင်တန်းအမှတ်စဉ်(၆)တွင် သင်တန်းအမျိုး အစား(၅)မျိုးဖြင့် သင်တန်းသား/သူ (၁၈၀)ဦးအားသင်ကြားပေးမည်ဖြစ်ပါသည်။
0 comments:
Post a Comment